لماذا الدنيا تضيق علينا

لما الدنيا عليك تضيق
لما تدور على حاجة تفرح ماتلاقيش
ولو فرحت لفرح غيرك
أول ما تمد ايدك تساعده و تفرح معاه تلاقيه بيدور وشه عنك
ماهو خلاص مابقاش محتاجك لانه سعيد


لما تحس انك بقيت من الكماليات عند الناس
حياتهم ماشية من غيرك ويمكن ماياخدوش بالهم لو غبت عنهم
لما تحس ان كل اللي حلمت بيه ماتحققش
مش عشان انت اخطأت لكن عشان قدرك كده
نصيب !!


لما تلاقي الناس ممكن تبيع بسهولة اقرب الناس ليها
لما كلمة صديق مايبقاش ليها معنى في قاموسهم
كل حاجة هي مصلحتي وبس


لما تحس انك بتبعد وتبعد وتبعد
بتدور على اي خيط امل تتمسك بيه ومش لاقي
عايز تتمسك بأي شيء ينجيك لكن مفيش فايدة


لما الألم يكون اكبر من احتمالك ومع ذلك لازم تخبيه
وترسم على وجهك ابتسامة انت مش عارف سببها ولا حاسس ليها طعم
ويمكن الناس نفسها مستغرباها


لما الكل يبقى فاهم وعارف انك بتتألم
لما الكل ينتظر منك تبكي او حتى تشكي
لما تعيش حياتك بس عشان تستنى النهاية
لما تحس انك عايز تعيش لوحدك
مش عايز تشوف حد ولا تكلم حد
تتكلم ليه
اذا كان كلامك بيوجعك وكلامهم بيوجعك اكتر

لما كل ده اعيشه
لما كل ده احسه
لازم اعرف ان انا مابقيتش انا
لأول مرة احس اني مابقيتش الانسانة اللي اعرفها
مابقيتش فاهماني ولا حتى عارفاني
مابقيتش عارفة رايحة فين ولا السكة منين


يارب
ان لم يكن بك على غضب فلن أبالي
ان لم يكن بك على غضب فلن أبالي
ان لم يكن بك على غضب فلن أبالي