الحوار الساخن

السلام عليكم ورحمة الله وبركاته:

اخواني واخواتي

سئمنا من كثرة الحوارات التقليدية المنغلقة و الأفكار المتقوقعة

والمواضيع المتكررة التي أصابتنا بالملل بسطحيتها و محدوديتها

لذلك وضعت هذه الفكرة وهي عبارة عن حوار مثير بين فريقين :

فريق ( الرجال )

فريق ( النساء )

وضعتها من باب المداعبة وتخفيف حدة التوتر بين الفريقين.

هناك أمور يكرهها الرجل في المرأه أو لا يستطيع فهمها

&

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

( بداية الحوار )

سيقوم فريق البنات بطرح تساؤل عن أمر معين لا يعجبهم في الرجال
وسيقوم فريق الرجال بالرد وتبرير الموقف

وبعد إعطاء الإجابات والمبررات الكافية يصبح فريق الرجال في وضع الهجوم
ويطرح سؤال على فريق البنات.....وهكذا يستمر الحوار

( ملاحظة )

يجب على ا لجميع المشاركه وابداء الرأي

وأرجوا أن نكون مع الحق دائماً بعيداً عن الإنتماء و التحيز

( صافرة البداية )

سوف ابدأ بسؤال موجه من فريق الرجال الى فريق البنات:

لماذا تقلد البنات موضة المطربات والفنانات وما تشاهده على الفضائيات ؟

على فكرة يا ميدو فكرة الموضوع فعلا رائعة

ويارب الكل يخرج بنتيجة من الحوار

اما بالنسبة للرد على السؤال الاول اللى تم طرحه

لماذا تقلد البنات موضة المطربات والفنانات وما تشاهده على الفضائيات ؟

انا شايفة ان مش كل البنات بتقوم بتقليد الفنانات والمطربات

وبعدين البنات دايما كل واحدة فيهم بتختار الموضه اللى تناسبها

طبعا مش الكل ومنقدرش نقول ان قاعدة ان البنات بتقوم بتقليد ماتشاهده على الفضائيات

طيب ليه مسألتس الرجال والاولاد نفس السؤال

انا بالنيابه عنك هاسأل نفس السؤال ليكم

لماذا يقلد الاولاد موضة المطربات والفنانات وما تشاهده على الفضائيات ؟

هو موضوع جميل وكبير ومحتاج عدة مقالات علشان تقدري توصلي للسبب بس انا في نظري الشخصي المتواضع

ان اي ولد او اي بنت بيبدأ يقلد اي حد ( مطرب - مطربة - ممثل - ممثلة - بيقلد حتي جار ليه او اخ ليه ) اي تقليد باي شكل سواء باللبس بالتصرفات باي حاجة كانت بيكون نتيجة حاجتين

الاولي : ضعف شخصية اللي بيقلد وانصياعه لاي شخصية قوية ومؤثرة بمعني ادق بيبقي شخصية انقيادية بيستني اي حد يعمل اي حاجة علشان يبدأ ويقلده عمره ما بيكون هو اللي بيبدأ اي حاجة شخصيته بتخليه غير مؤهل انه يعمل كده

ثانيا : تجاهل الناس ليه وطبعا برضه ده ناتح من شخصيته فبيدأ يعمل اي حاجة تخلي الناس كلها تقول شايفين فلان ( بيقلد الشخصية الفلانية ) عايز يحط نفسه تحت الأضواء علشان يحس انه مرغوب فيه

وده طبعا رأي شخصي ليه جايز يكون صح وجايز يكون غلط

لا فعلا يا عصام رأيك منطقى جدااااااااااا

وفعلا جايز يكون السبب ده هو السبب الاساسى فى تقليد اى شخص مشهور

والله كلمكو كله مظبوط وجميل بس محدش فكر إننا الشرقيين أكتر ناس بتحب تقلد وتقليد أعمي للغرب وده فعلاً بنشوف مطرب أو ممثل أجنبي عمل حاجة ملفته للنظر بعدها تلاقي المغنيين العرب بيقلدوه وبعدين الناس تقلدهم كل ده من ضعف شخصيتنا عمرنا ما عملنا حاجة لوحدنا عمرنا ما اخترعنا احنا موضه ( بس فيه ناس مثلاً بتقلد الموضه علشان لايقه عليه وفي ناس برضه بتقلدها علشان يبقي شبه الممثل أو المغني زي ما قال عصام بس مش هكمل علشان عصام قال المفيد ) ( وشكراً يا ميدو علي فتح باب لمناقشه المواضيع المهمه )

رايكم كتيييييييييييييير منطقى بس المشكله مش فى الراجل والست او غيرها ده شىء خلقه ربنا فى الانسان غريزة التقليد والا ولا حنلبس ولا هناكل ولا ولا 000000000000الخ
الاقتباس ده شىء فطرى داخل كل ادمى بغض النظر عن الجنس لكن ممكن يزيد المعدل شويه 0ولو هى دى المشكله سهله جدا0نحلها0

لا بالعكس يا توتا صعب نحلها بس ممكن نحلها لو عندنا قوة ارادة وثقه بنفسه علشان يبقي سهل يغير نفسه

اقولك الصراحه ياعمر ان التقليد ده على قد ما هو له ايجابياته له سلبيات من وجهة نظرى انها حاجه وحشه بتزهق لما تبقى لابس تى شيرت وعلى واحدتانى وشويه البنطلون على نفس الشخص واظن انهابالنسبه للرجل مش مشكله 0
لكن بالنسبالى مشكله كبييييييرهلانى احب انى اكون مختلفه قووووووووووووووووى0

والله وأنا برده مبحبش أبقي زي حد بحب أبقي مختلف غير الناس